8б(ш) ангийн сайт

Naruto Shippuden 210 Episode

Snoopy — Mon, 09 May 2011 05:19:58 GMT

PART-1

PART-2

Манай ангийнxан нэрс

Snoopy — Tue, 03 May 2011 10:21:17 GMT

Анхзаяа
Анxцэцэг
Ж.Ариунболд
Т.Ариунболд
Батчулуун
Билгүүн
Бээгий
М.Бүжинxлам
С.Бүжинxлам
Ганцэцэг
Даваацэцэг
Жаргалмаа
Золзаяа
Мөнгөнxүү
Мөнxзаяа
Мөнxзүл
Нандин-Сувд
Номин-Эрдэнэ
Нямгэрэл
Нямдорж
Одбаяр
Одгэрэл
Одонтунгалаг
Отгонбаатар
Өлзийбаяр
Өлзий0ршиx
Пүрэвжал
Санчир
Саруул-Эрдэнэ
Солонго
Уран-Билэг
Уранзаяа
Уртнасан
Xалиун
Цэрмаа
Чойжамц
Шинэцэцэг
Энxбаяр
Энxтүүл
Эрдэнэ-Баяр
За ингээд манай ангийн нэрсийн жягсаалт

Тусгай салаа 2

Snoopy — Fri, 29 Apr 2011 11:13:55 GMT

Untitled from kira on Vimeo.

Password:Shuurhai.com

ex survalj shuurhai.com

Помогите нам 2

Snoopy — Fri, 29 Apr 2011 11:05:49 GMT

Untitled from kira on Vimeo.

Бидний сайн мэдэx Помогите нам 2 инээдмийн кино Тавилаа тэгээд үзээрэй үзээгүй xүмүүс нь

Justin bieber Never Say never

Snoopy — Fri, 29 Apr 2011 11:02:02 GMT

Та бүxэн Justin bieber маш сайн мэднэ оxидууд араас гүйгээл энтэр xэxэ за тэгээд 2011 гарсан киног нь xүргэж байна үзээрэй

Naruto Shippuden 209

Snoopy — Fri, 29 Apr 2011 08:18:14 GMT

Бид бүгдийн үзэx дуртай наруто 209 ангийг тавилаа

Атомын физик

Snoopy — Thu, 28 Apr 2011 13:02:29 GMT

Одоогоос бараг 2500 жилийн тэртээ Грекийн эрдэмтэн Демокрит бүх бодис олон тооны маш жижиг үл хуваагдах хэсгүүд –атомаас тогтоно гэсэн таамаглалыг гаргажээ. 1802 онд Английн эрдэмтэн Дж.Дальтон атомын тухай орчин үеийн сургаалийн эхийг тавьжээ. Нийлмэл бодис элементүүдээс, элемент нь атомаас тогтоно гэж тэр үзэж байв. Бүх бодисын атомууд хоорондоо ижил гэж үзэж байсан алхимичдийн үзэлд, элемент бүрийн атом өөр өөр байна гэсэн Дальтоны сургааль том цохилт болжээ. Элемент нь хэд хэдэн изотоптой байж болох ба изотоп бүрийн атомууд хоорондоо ялгаатай болох нь түүний дотоод бүтцийн онцлог байв. 1869 онд Оросын эрдэмтэн Д.И.Мендлеев элементүүдийн үелэх систем нээсэн нь атомын сургаалийн цаашдийн хөгжилтөд чухал хувь нэмэр болсон. 19-р зууны эцсээс физикийн шинжлэх ухааны хөгжилт нэлээн өндөр түвшинд хүрч бодисын нарийн бүтэцтэй холбоотой асуудал руу орж эхэлсэн Үүний тод жишээ нь атомын цацруулах гэрлийн спектрийн судалгаа рентгэн туяа, цацраг идэвхит чанарыг нээсэн явдал болно. 1897 онд Английн эрдэмтэн Дж.Томсон эгэл бөөм электроныг нээсэн ба электрон нь атомын бүрэлдэхүүнд ордог болох нь тогтоогдсон. Ийм учраас атом нарийн төвөгтэй бүтэцтэй болох нь тогтоогдсон. Атомын бүтцийн тухай 1910 онд Дж.Томсон анхны загварыг зохиов. Харин 1911 онд Английн эрдэмтэн Э.Рэзэрфорд Дж.Томсоны загвар буруу гэдгийг баталж, атомын цөмт загварыг зохиосон бөгөөд өнөө хүртэл энэ загвар хэрэглэгдэж байна. 1913 онд Данийн эрдэмтэн Н.Бор устөрөгчийн атомын цацргалтын спектрийг тайлбарлах, атомын цөмт загварын онолыг үндэслэх анхны амжилттай оролдлогыг хийсэн ба энэ нь микро ертөнцийн хүрээнд болж буй үзэгдэл юмсын зүй тогтлын онол- квант механикийг бүтээн босгоход чухал чиглэл, суурь нь болсон. Н.Бор өөрийн энэ онолыг бүтээхдээ Планкийн квантын тухай таамаглалыг ашигласанаас гадна сонгодог механикаас бүрэн татгалзахгүйгээр түүний зарим ойлголтуудыг хэрэглэсэн нь уг онолыг хагас квант, хагас сонгодог механикийн агуулгатай болсон юм. Тиймээс энэ онол хэдийгээр устөрөгч ба түүнтэй төстэй системийн шинж чанарыг тайлбарлаж чадсан боловч харин гели болон олон электронт атомуудын талаар туршлагатай тохирохгүй дүгнэлтэнд хүрсэн юм. Микро ертөнцийн дотор явагдаж буй үзэгдлийн мөн чанарыг бүрэн тусгасан тууштай онолыг бүтээх ажил цаашид эрчимтэй үргэлжилж 1920 онд Германы эрдэмтэн В.Хайзанберг, Австрийн эрдэмтэн Э.Шредингер, Английн эрдэмтэн П.Дирак нар квант механик гэж нэрлэгддэг энэ онолыг боловсруулж, ингэснээр олон электронт атомын бүтэц, шинж чанарыг тайлбарлаж, Мендлеевийн үелэх ситемийн учир ойлгогдох болсон юм. Атомын спектрийн зүй тогтол, устөрөгчийн атомын спектр, Бальмерийн томъёо. Бие биетэйгээ харилцан үйлчлэлцэлд оршихгүй, өөрөөр хэлбэл маш сийрэг, хийн атомуудын цацралын спектр нь тусгаар салангид шугамнуудаас тогтдог ба иймд үүнийг шугаман спектртэй цацрал гэнэ. Атомын спектрийн байршил эмх замбараагүй бус харин цуврал гэж нэрлэгддэг бүлгүүдэд нэгддэг болохыг эрдэмтэд тогтоосон. Устөрөгчийн атомын спектрийн шугамууд, түүнийг нээсэн Швейцарийн эрдэмтэн И.Бальмерийн нэрээр Бальмерийн цуврал гэж нэрлэгддэг. Хэрвээ хийн цахилалтын хоолойг устөрөгчөөр биш харин азотоор дүүргэвэл маш нягт байршсан шугамуудаас тогтсон тусгаар салангид бүрхүүл бүхий спектр үүсэх ба түүнийг судалт спектр гэдэг. Хоёр атомт N2 молекулаас тогтсон азотын хийн цацрал нь судалт спектртэй ба түүний гарал үүсэл нь шугаман спектртэй цацралаас өөр учир шалтгаантай. Харин улайссан утаснаас үүсэх цагаан гэрлийн спектр нь тасралтгүй байна. Нарнаас гаргах гэрлийн спектр ч мөн ийм байдаг. Ийм спектрийг нил спектр гэнэ. Хэрвээ цагаан гэрлийг нэг атомт хий, жишээлбэл устөрөгч дундуур нэвтрүүлж түүний спектрийн зургийг авч үзвэл нил спектрийн дотор саланги тусгаар хар шугамнууд байгааг ажиглаж болно. Үүнийг шингээлтийн спектр гэнэ. Эдгээр шугамнуудын байрлал нь устөрөгчийн спектрийн хурц тод шугамнуудын долгионы уртуудтай тохирдог, өөрөөр хэлбэл хий /устөрөгч/ нь өөрийн цацруулдаг спектртэй ижил спектртэй цацралыг тусаж буй гэрлээс шингээж авдаг байна. Устөрөгчийн атомын цацралын спектрийн Бальмерийн цуврал дахь шугамуудад харгалзах долгионы уртыг тогтоож болох томъёог Шведийн физикч Ридберг анх нээж олсон. Энэ томъёонд байгаа R-г Бидбергийн тогтмол гэдэг ба R=1.0973731*10-3 (A)-1 гэсэн тогтмол тоон утгатай. Бальмерийн цувралаас гадна устөрөгчийн атомын спектр дотор түүний ультра ягаан ба инфра улаан мужуудад хэд хэдэн цувралууд байгааг тогтоосон. Цувралын нэр: Спектрийн муж: Цувралын томъёо: Цувралын хязгаар(n=∞) Лайманы цуврал Ультра-ягаан 911.27°A Бальмерийн цуврал Харагдах гэрэл 3645°A Пашений цуврал Инфра-улаан 8201.4°A Брэкетийн цуврал Инфра-улаан 14580°A Пфундын цуврал Инфра-улаан 22782°A Атомын бүтцийн загвар, Резерфордын туршлага Электроныг нээснийхээ /1897/ дараагаар Английн эрдэмтэн Дж.Томсон радио идэвхит чанар, кадорын туяа, эерэг цэнэгтэй ион үүсэх зэрэг үзэгдэлүүдэд тулгуурлан 1903 онд атомын бүтцийн тухай анхны загварыг дэвшүүлсэн. Энэ загвар ёсоор атом нь 10-8 см радиустай бөмбөрцөг бөгөөд эерэг цэнэг энэ бөмбөрцгийн дотор жигд тархсан үүл байдалтай тархах ба сөрөг цэнэгтэй электронууд нь уг эерэг цэнэгийнхээ үүл дотор шигтгэсэн үрлүүд мэт байрлана. Эерэг цэнэгийн нийт хэмжээ бүх электроны цэнэгийн нийлбэртэй тэнцүү учир атом бүхэлдээ цахилгаан саармаг байна. Томсоны загварын бурууг Э.Резерфордын туршлага баттай нотолж өгсөн. Ийнхүү Томсоны атомын загвар нь бодит байдалд тохирохгүй гэдэг нь нотлогдсон тул цаашид хэрэглэхээ больсон бөгөөд түүнийг атомын бүтэц, тогтцыг тайлбарлах гэсэн анхын оролдлогын нэг жишээ болгон үздэг юм. Атомын бүтцийн талаар Томсоны дэвшүүлсэн загварыг шалгах, түүний доторх эерэг ба сөрөг цэнэгүүдийн байршилтыг тандах туршлагын аргуудын нэг нь атомын цэнэгтэй, хурд ихтэй бөөмөөр буудаж түүний сарнилыг /хазайлтыг/ судлах явдал байсан. 1911 онд Английн эрдэмтэн Э.Резерфорд анх энэ санааг сэдэж, өөрийн шавь нарын хамт алтны /z=79/ хальсан хуудсыг /зузаан 1=6*10-4 мм/ -бөөмөөр буудаж түүний сарнилыг судалсан. Резерфордын туршлагын хялбарчилсан бүдүүвч. Цацраг идэвхит элемент полоний /P0-214/-г -бөөмийн үүсгүүр болгож хэрэглэсэн ба тэр нь 7.68 МэВ ижил жигд энергитэй -бөөмийг цацруулдаг. Үүсгүүрийг хар тугалган саванд байрлуулж, түүндээ -бөөмийн маш нарийн богцыг гаргаж авахын тулд багц хязгаарлагч нүхтэй хоёр коллиматорыг ашигласан байна. Нимгэн хуудсыг дайрч нэвтлэн гарсан -бөөм нь хүхэрт цайр /ZnS/-р бүрхсэн дэлгэц /Э/ дээр тусч сцинтилляц явагдаж гэрлийн оч үүссэх учир түүнийг микроскофоор харж тоолж авна. Сарнилын өнцгийг Ө-р тэмдэглэсэн ба микроскоф, дэлгэц нь сарниулагч нимгэн хуудасны төвийг дайрсан тэнхлэгийг тойрч эргэх боломжтойгоор хийгдсэн учраас янз бүрийн Ө өнцгөөр сарнисан -бөөмийг ажиглаж тоолж болно. Мөн агаарын молекул дээрхи -бөөмийн сарнилыг арилгахын тулд багажийг агаарыг нь соруулж авсан битүү савны дотор байрлуулжээ. Резерфорд, Гейгэр, Марсден нарны туршлага дээр ихэнх -бөөм нимгэн алтан хуудсыг ямар ч хазайлтгүйгээр нэвтэрч гарч байгааг тогтоосны зэрэгцээ мөн их өнцгөөр / Ө≥90°/ сарнисан -бөөм байгааг илрүүлэв. Туршлагын энэ материалыг нарийн задлан шинжилсний үндсэн дээр -бөөмийн энэхүү хүчтэй сарнил нь атомын дотор маш бага зайд их масстай эерэг цэнэг төлөрч хүчтэй цахилгаан орон үүссэнээс болж үүснэ гэсэн дүгнэлтийг Резерфорд гаргасан. Электроны масс -бөөмийнхөөс даруй 700 гаруй бага учраас электрон дээр ийм хүчтэй сарнил болж чадахгүй тул гагцхүү атомын эерэг цэнэг нь л түүний бараг бүх масс агуулсан маш бага орон зайг эзлэх ёстой болно. Энэ дүгнэлт дээр тулгуурлан 1911 онд Резерфорд атом нь түүний бараг бүх массыг агуулсан маш бага хэмжээтэй / r~10-15 м/ эерэг цэнэгтэй цөм ба түүнийг тойрсон электроны электроны үүлнээс тогтоно гэсэн атомын загварыг дэвшүүлсэн. Атомын энэ бүтцийг цөмт-загвар гэж нэрлэдэг. Резерфорд атомын цөмийн кулоны цахилгаан орон дээр явагдах -бөөмийн сарнилын онолыг боловсруулж, сарнисан -бөөмийн тоо сарнилын өнцгөөс хэрхэн хамаарч тархах томъёог гаргасан.

Цахилгаан цэнэг. Цэнэг хадгалагдах хууль. Кулоны хууль

Snoopy — Thu, 28 Apr 2011 13:01:30 GMT

Хувыг ноосоор, шилийг арьсаар зүлгэхэд жижиг биетийг өөртөө татах чадвартай болдгийг эрт дээр үеэс мэддэг байсан бөгөөд үүнийг бие цахилгаанжих гэж ярьдаг. Цахилгаан соронзон харилцан үйлчлэлд биесийн оролцох чадварыг цахилгаан цэнэг гэдэг физик хэмжигдхүүнээр тодорхойлдог. Биесийг бүрдүүлж байгаа эгэл бөөмс цэнэгтэй байдаг болохоос бөөмгүй цэнэг байхгүй. Байгаль дээр эерэг, сөрөг хоёр төрлийн цахилгаан цэнэгтэй бөөмс байдаг. Электроны цэнэгийг сөрөг, протоны цэнэгийг эерэг гэж авдаг. Байгаль дээр оршдог бүхий л цахилгаан цэнэгийн дотроос электрон ба протоны цэнэг хамгийн бага хэмжээтэй нь бөгөөд үүнийг эгэл цэнэг гэнэ. Эгэл цэнэгийн хэмжээ ±1,6•10-19 кулон байна. Атомын цөмд байдаг эгэл бөөмийн нэгэн болох нейтрон цэнэггүй. Биеийн эерэг ба сөрөг цэнэгийн хэмжээ тэнцүү байвал тэр бие цахилгаан саармаг байна. Ерийн нөхцөлд атом доторх электрон протоны тоо тэнцүү учир атом саармаг байдаг. Биесийг бүрдүүлж байгаа атом сөрөг цэнэгтэй электрон, эерэг цэнэгтэй протоноос тогтдог учир ямарч биеийн цахилгаан цэнэг эгэл цэнэгийг бүхэл тоо дахин авсантай тэнцүү байдаг. Бие цахилгаанжихад түүнд угаас байсан эгэл эерэг, сөрөг цэнэгийн тоо тэнцүү биш болно. Хэрэв электроны тоо протоны тооноос илүү байвал уул бие сөрөгөөр цэнэгжинэ. Харин электорны тоо протоны тооноос дутуу болбол тэр бие эерэгээр цэнэгжинэ. Нэг биеийг нөгөөгөөр үрж цэнэглэхэд нэг нь эерэгээр нөгөө нь мөн тийм хэмжээтэй сөрөг цэнэгээр цэнэгждэг нь нэг биеийн алдсан цэнэгийг нөгөө бие бүгдийг нь авдагтай холбоотой. Цахилгаан цэнэг нэг биеэс нөгөө биед дамжих буюу нэг биеийн дотор шилжихээс биш устах юмуу шинээр бий болохгүй. Өөрөөр хэлбэл тусгаарлагдсан битүү систем дэх цахилгаан цэнэгийн алгебр нийлбэр тогтмол байна. q1+q2+…+qn=ⁿεΣqi=const Үүнийг цахилгаан цэнэг хадгалагдах хууль гэнэ. Цахилгаан цэнэгтэй биес өөр хоорондоо харилцан үйлчлэлцэнэ. Энэ үйлчлэлийг цахилгаан харилцан үйлчлэл гэнэ. Ижил цэнэгтэй биес түлхэлцэж, эсрэг цэнэгтэй нь таталцана. Цэнэгжсэн биес цахилгаан орноор дамжин харилцан үйлчлэлцдэг. Хэрэв цэнэгтэй хоёр биеийн хоорондох зай эдгээрийн шугаман хэмжээнээс олон дахин их байвал биеийн хэлбэр, хэмжээ эдгээрийн хоорондын цахилгаан соронзон харилцан үйлчлэлд төдий л нөлөөлөхгүй. Ийм биеийг цэгэн цэнэг гэнэ. Өөр хоорондоо r зайнд орших үл хөдлөх q1 ба q2 цэгэн цэнэгийн харилцан үйлчлэлийн хүч F нь эдгээр цэнэгийн үржвэртэй шууд, хоорондох зайн квадраттай урвуу хамааралтай. Үүнийг кулоны хууль гэнэ. Энд байгаа ε-ийг орчны харьцангуй диэлектрик нэвтрүүлэх чадвар гэж нэрлэх ба энэ нь уул орчин доторх цэнэгүүдийн харилцан үйлчлэлийн хүч вакуум доторхоос хэд дахин бага болохыг үзүүлдэг хэмжигдэхүүн бөгөөд бодис бүрт өөр өөр утгатай байдаг. Вакуумд ε=1. Иймд цэнэгтэй биесийн цахилгаан харилцан үйлчлэлийн хүчний хэмжээ эдгээрийн оршин байгаа орчны шинж чанараас хамаардаг. Кулоны хуулиар илэрхийлэгдэж байгаа үл хөдлөх цэгэн цэнэгүүдийн харилцан үйлчлэлийн хүчийг кулоны хүч гэнэ. Энэ хүч харилцан үйлчлэлцэж байгаа хоёр цэнэгийг холбосон шулууны дагуу чиглэнэ.

Металлыг гарган авах арга

Snoopy — Thu, 28 Apr 2011 12:59:04 GMT

Хүдрээс металлыг гарган авахын өмнө төрөл бүрийн аргаар түүнийг ашиггүй (шавар, чулууны) хольцоос цэвэрлэдэг. Үүнийг хүдэр баяжуулах гэнэ. Хүдэр бол үйлдвэрийн аргаар уул металлыг гарган авахад тохирсон эрдэс агуулсан уулын чулуулаг юм. Жишээ нь: алт, цагаан алт зэргийг баяжуулахдаа хүдрийг усаар угаах буюу эсвэл ямар нэгэн бодист уусган эцэст нь тунгаан баяжуулдаг. Хүдрийг баяжуулдаг олон арга байдаг. Үүнд: усаар угаах, цахилгаан болон соронзон орны туслалцаатайгаар ялгах, хүнд хөнгөнөөр нь ангилах, хөрвүүлэх зэрэг аргуудыг голлон хэрэглэдэг. Хүдрийн баяжмалаас металл гарган авах үйлдвэрийн аргыг металлурги гэнэ. Металлургийн хэд хэдэн арга бий: 1. Пирометаллурги бол дулааны аргаар маш өндөр температурт хүдрийг хайлж цааш нь шат дараалан химийн урвал явуулан цэвэр металл гаргадаг арга юм. Энд төмрийн хүдрийг хайлуулах байшин зуухны аргыг хамааруулж болно. 2. Карботермийн арга. Үүнд нүүрс буюу нүүрсний оксидоор хүдрийг ангижруулдаг. Жишээ нь: зэс /1/-ийн оксидыг нүүрстэй хольж өндөр температурт шатаахад ангижрах процесс явагдан цэвэр зэс, нүүрсний оксид үүсдэг. Cu2O+C=2Cu+CO Энэ аргаар цэвэр металл гарган авахын тулд сульфидүүдийг эхлээд тусгай зууханд шатааж металлын оксид болгон хувиргаад эцэст нь түүнийгээ ангижруулах процесст оруулдаг. 2ZnS+3O2=2ZnO+2SO2 ZnO+C=Zn+CO 3. Гидрометаллурги бол хүдэрт байгаа металлуудыг янз бүрийн урвалж ашиглан усан уусмалд шилжүүлээд түүнээсээ электролизоор дан металл гарган авдаг арга юм. Алтны хүдрээс цэвэр алт гаргах цианидын арга бол гидрометаллургийн арга юм. Түүнээс гадна олон тооны металл байгальд давс, эрдэс байдалтай оршдог. Ийм хүдрийг маш өндөр температурт хайлуулан түүнд тусгай бодис (флюс) нэмж, доторх хэрэггүй хольцтой нь нэгдүүлэн дараа нь түүнээс салган шаар болгон гадагшлуулдаг. Хэрэв хайлмал хүдэрт хэрэггүй хоосон чулуулаг, их хэмжээний элс шороо байвал нэмэлт бодисоор шохойн чулууг ашиглах ба хэрэв шохой нь их байвал элс хэрэглэх бөгөөд энэ хоёр тохиолдолд шаар нь кальцийн силикат цахиурын оксидод шилждэг. Ашиггүй хольцоос урьдчилан салгасан хүдрийг (конц) баяжмал гэнэ. Хүдрээс металлыг салгахад металл нь нүүрс ба түүний оксидоор ангижрах боломжгүй үед устөрөгч, цахиур, магни, хөнгөнцагаан зэрэг хүчтэй ангижруулах чанартай янз бүрийн металл хэрэглэхийг металлотермийн арга гэнэ. Тухайлбал: хөнгөнцагааныг ангижруулагчаар авбал түүнийг алюминотерми гэнэ. Жишээ нь: хромыг алюминотермийн аргаар гарган авдаг. Cr2O3+2Al=Al2O3+2Cr Дээд зэргийн цэвэр металл гарган авах Дээрх аргууд дээд зэргийн цэвэр металл гаргахад дутагдалтай юм. Шинжлэх ухаан-техникийн дэвшлийн эрин үед дээд зэргийн цэвэр металл гарган авах шаардлага тавигдаж байна. Зууны буюу мянганы хувийн өчүүхэн хольц нь металлын химийн болон механик шинж чанар, хайлах, буцлах температур зэрэгт асар их өөрчлөлт өгдөг. Халуун цөмийн урвалын техник болон хагас дамжуулагчийн үйлдвэрлэлд хэрэглэдэг металлын дотор 10-8-10-10% хольц орвол гологдолд ордог. Дээд зэргийн цэвэр металл гаргах хэдэн арга байдаг. 1. Дулааны задаргааны арга: Уул үйлдвэрлэж буй металлын карбонил, иодид мэт дэгдэмхий нэгдлүүдийг гарган авч, өндөр температурт дулааны задралд оруулж дээд зэргийн цэвэр металл гаргадаг. Жишээ нь: металл титаныг цэвэр иодтой 9000С-д халаахад дөрвөн иодид титаны дэгдэмхий нэгдэл үүсдэг: Ti+2I2=TiI4 Мөн цагаан алтан реакторт цэвэр титан утсыг иодтой халаахад TiI4 гэдэг дэгдэмхий нэгдэл үүсэж тэр нь 14000С-д дулааны задралд ордог. 2I2+Tiхольц TiI4уур 2I2уур +Tiхатуу (цэвэр) Дулааны задралын аргаар титан, циркони, хром зэрэг өндөр температурт хайлдаг металлуудыг гарган авдаг. 2. Дээд зэргийн цэвэр металлыг гарган авах орчин үеийн хамгийн шалгарсан аргын нэг бол бүсчлэн хайлуулах арга юм. Цэвэрлэх гэж буй дээжийг тусгай бэлтгэсэн жижиг завинд хийж инертийн хийгээр дүүргэсэн кварц хоолойд байрлуулдаг. Жижиг завинд үүссэн цувимлыг дагууд нь өндөр давтамж бүхий генератораар тэжээсэн халаагч цахилгаан ороомогоор бүсчилэн халаадаг. Бүсчлэн байрлуулсан цахилгаан халаагуурын орчинд дээж нь хайлж, хольц нь цувимлын нэг захаас нөгөө үзүүр уруу шилжин гадагшлах ба халаагуур цахилгаан ороомгийн ард цэвэр металл талстжиж гардаг. Энэ явцыг хэдэнтээ давтан явуулснаар дээд зэргийн цэвэр металл гарган авсан төмөр, молибден, вольфрам мэтийн дан талстуудын хөвсгөр чанар нь бүрэн арилж, асар их бат бэх уян хатан чанартай болдог байна.

Металлын байгальд орших нь

Snoopy — Thu, 28 Apr 2011 12:57:40 GMT

Металлууд байгальд ихэвчлэн нэгдлийн байдалтай оршдог бөгөөд цөөн тооны үнэт металл (алт, мөнгө) аранжин байдлаар тохиолддог. Метөллын байгалийн нэгдлийг хүдэр гэдэг бөгөөд энэ нь хэдэн төрөл ангид хуваагддаг. 1. Сульфид байдлаар тохиолдох хүдэр: FeS2-төмрийн колчедан (пирит), PbS-хартугалганы гялтгана, ZnS-цайрын хуурмаг гэх мэт. 2. Оксид хэлбэрийн хүдрүүд: Fe3O4-соронзон гүр, Al2O3*2H2O- боксит гэх мэт 3. Карбонат: CaCO3-шохойн чулуу гэх мэт 4. Хлорид: NaCl-хоолны давс, KCl*MgCl2-карналлит гэх мэт 5. Сульфат: Na2B4O7*10H2O-тунсаа, CuSO4*5H2O-зэсийн байван, Na2SO4*10H2O-мираблит гэх мэт